جمالك : طريقه لعمل كريم الاساس فى المنزل

جمالك : طريقه لعمل كريم الاساس فى المنزل: طريقه سهله وسريعه لعمل كريم الاساس فى المنزل جيبلكم انهارده طريقه تعملي بيها كريم اساس يناسب بشرتك بصنع ايدك انتي وكمان ازاي...

صنية شاورما الفراخ بالبطاطس

صنية شاورما الفراخ بالبطاطس 

الطريقه..

صدور دجاج مقطعه مكعبات 

قلبيهم في القدر مع بهارات الشورما 

وغطي عليهم على نار هاديه وراح يطلعو مويه خليهم حتى ينضجو 

بعدين افتحي الغطى ورفعي النار شوي

قلبيهم حتى ينشف الماء 

وتتحمر خليهم على جنب

قطعي بطاطس شرائح واقليهم وملحيهم ورصيهم في الصينيه 

وكبي فوقهم الدجاج ووزي فوقه مخلل خيار مقطع بالطول

واخلطي في الخلاط 

(ملعقتين جبن سائلة او كيري ـ علبة قشطه ـ ملعقتين مايونيز )

وصبيهم فوق الدجاج وغطيه تماما 

وغطيه بقصدير دخليها الفرن 

خليهم يتسبكو شوي بعدين فكي عنه القصدير 

وخليها يتحمر من فوق

طريقه لعمل كريم الاساس فى المنزل

طريقه سهله وسريعه لعمل كريم الاساس فى المنزل

جيبلكم انهارده طريقه تعملي بيها كريم اساس يناسب بشرتك بصنع ايدك انتي وكمان ازاي تستغلي بواقي الميكب الي قربت تبوظ 

بدل منتي متلغبطه ومفيش نوع اساس منسبك 

والمناسب غالي جدا وسعره هاي عالي

انا شفته علي جروب تاني وقلت اجربه ولو عجبني كالعاده مش هبخل عليكم بيه

انا عارفه انه المفروض اكون نزلته قبل العيد بس حقكم علي كنت مضغوطه والله جدا

نصائح لجمالك

نصائح لجمالك 

شوية نصايح   للعنايه بالبشره والجسم والحواجب والركب وكعب الرجل اليمين 

١-اسكراب لجسمك مرتين ف الاسبوع وانتى بتستحمى هيخلى جسمك ناعم وطرى جدا وده ياستى بيتعمل بملح وسكر وشوية زيت زتون ونص لمونه عليهم وتخلكيهم على بعض وتفركى جسمك بيهم بعد ماتكونى وقفتى تحت مايه سخنه على قد ماتستحملى وبعدين بالليفه المغربيه وادعى تانى بهدووووء واشطفى جسمك بمايه فاتره يا وزه

٢-ماسك القهوه باللبن للوش ياخوانا ياخوانا 😂

معلقة قهوه كبيره على معلقة لبن بودره وتعجنيهم بماية ورد. او لبن سايل وتعجنى بيه القهوه وادعيلى اتجوز عشان خللت ف الخطوبه دى 😂

٣- علبة الكريم بتاعت وشك المرطبه حطى عليها معلقة نشا ورطبى وحطى على وشك عادى جدا هتبقى فله وقشطه 

٤-كعب رجلك اللى فاضله تكه ويطلع يديكى قلمين ده 😂

بعد البادى كير اللذيذ حطى عليه كريم مرطب محطوط عليه نقطتين دم غزال هتبقى بمبى و حلوه يابطه 

٥-رطبى شفايفك وهاتى معلقة فازلين وحطى عليها حبة سكر صغيرين ونقطة دم غزال ..ترطيب ولون ايه ماقولكيش 

٦-اغسلى شعرك ٣ مرات بس ف الاسبزع بشامبو طبى وبلاش خالص الشامبوهات التجاريه و اوعى تسرحيه مبلول و لما ينشف سرحيه لقدام واعمليه كحكه او لقدام وببنسه هيتفرد جدااا

٧- ماتسرحيش شعرك بزيت ابتا ابتا سرحى بفازلين او كريم طبى برضو وياسلام لو حطيتى على كريم شعرك نقطة زيت عطرى زى زيت الياسمين كده ريحة شعرك هتبقى حلوه جدا 

٨-رطبى جسمك بعد الشاور بزيت جونسون وعليه زيت عطرى برضو خام من غير كحول عشان مايغمقش جسمك ماحنش ناقصين 😒 او لو عندك مخمريه رطبى بيها جسمك وهقولك طريقتها عينيا 😂

٩-الشبه المطحونه اخترااااااع ف منع العرق حطيها بعد الشاور

١٠-ادعكى كل المناطق الغامقه ف جسمك بلمون وزيت زتون هتبقى فله شمعه منوره😍

طبعا كل اللى قولته ده عاوز صبر مافيش حاجه بتيجى من مره كده يا رجاله 😂

اقولكوا طريقة المخمريه بقا 😍

فازلين هتسيحيه على حمام بخار وتحطى عليه جلسرين ومكعب مسك او زيت عطرى خام وماية ورد كل ده بالمقادير اللى انتى عاوزاها بنسبة وتناسب واقعدى شمى ف نفسك ليل ونهار

وصفه رائعه لتساقط الشعر

وصفه رائعه لتساقط الشعر

وصفه  للشعر تحفه للتساقط والاطاله والنعومه وللكثافه المكونات 

2معلقه زيت جوز هند

2 معلقه زيت خروع 

2معلقه زيت لوز مر 

2معلقة زيت توم 

2معلقة زيت جرجير 

5 معالق زيت سدر هو اكثر عشان عليه عامل كبير في الاطاله 

هنخلط كل ده في ازازه ونقفلها ونحطها يومين في التلاجه وبعد كده حمام زيت مره كل اسبوع وتدليك فروة الراس وتتركيه نص ساعه وتغسلي راسك بعدها بميه فقط وممكن شويه بلسم او كونديشنر لكن شامبو لا واستمري عليها شهرين وشوفي النتيجه