نصائح لجمالك

نصائح خفيفه لجمالك

1 - اعملي معطر لجسمك بعد الشاور مباشره بنقطتين من اي زيت عطري بتحبيه
( الورد - اللفندر -الفواكهه - الياسمين ) اللي تحبيه بقي مع ميه سخنه في علبه شامبو فاضيه ونظيفه ورجي كويس قوي و اشطفي بيه ويا ريت بلاش تستعملي شامبو كتير و استخدمي صابونه ملح الحليب احسن او ديتول لان الشامبو العادي بيسبب غمقان في الجسم علي المدي البعيد
2 - متغسليش وشك بصابون خالص و الصبح لما تقومي من النوم اشطفي وشك بميه سخنه وخدي شويه ملح حليب صغيرين وادعكي وشك و بعدين اشطفي بميه ساقعه هيخلي بشرتك جميله جدا وهينظفها اكتر من الصابون بكتير ويضيق مسامها كانك بتعملي كل يوم ماسك بس مش تكتري حاجه بسيطه ومش تطولي عشان وشك مش يقشر
3 - حطي فوق التواليت علبه فيها ميه و غسول طبي للمنطقه الحساسه وشويه زيت عطري و استخدميها علي طول
4 - حطي حجر طبي علي الحوض وكل ما تتوضي للصلاه ادعكي رجلك بيه هتفضل نظيفه ديما و حاولي تعملي باديكير كل شهر مره
5 - اغسلي شعرك بحمام كريم مرتين في الاسبوع ولو غسلتيه اكتر من كده بلاش تستخدمي شامبو ولا حمام كريم عشان مش يفقد زيوته الطبيعيه ( انا مش بستخدم شامبو الا كل فتره طويله وبكتفي بحمام الكريم لانه بينظف وبيرطب في نفس الوقت )
6 - حطي علبه فيها سكر و نص ليمونه فوق الحوض بعد غسيل الاطباق وانتي ايدك مبلوله خدي شويه وادعكي ايدك كويس قوي هيخليها ناعمه وجميله و يشيل اثار الغسيل خالص
7 - حاولي تعملي ماسك ترطيب كل اسبوع علي الاقل المناسب لبشرتك
8 - يا ريت بلاش كريمات بالنهار خالص لانها بتسمر قوي في الشمس كفايه كريم مرطب قبل النوم بيعجبني دوف قوي ناعم وخفيف وريحته حلوه
9 - استعملي مشط خشب لتمشيط شعرك حلو قوي وفعلا بيقلل التقصف وبيحافظ علي الشعر قوي
10 - بلاش تلبسي ضيق في البيت طول الوقت خصوصا في الصيف عشان الضيق بيزود الحر والعرق و التسلخات
11 - يا ريت بلاش استخدام مزيلات العرق لانها مضره قوي واستبدليها
بخليط من بودره الشبه و بودره تلك و بودره مسك
او علي الاقل قللي استخدمها واقتصريها علي وقت الخروج
12 - لو حسيتي ظوافرك باهته وبتتكسر بسرعه ادعكيها بنص لمونه هتخليها جميله